200 ரூபாவால் அதிகரிக்கிறது பால்மா விலை!!!

ஒரு கிலோ பால்மா விலையை 200 ரூபாவால் அதிகரிக்க ஒப்புதல் வழங்கப்பட்டுள்ளது.

இதற்கான ஒப்புதலை வாழ்க்கைச் செலவுக் குழு வழங்கியுள்ளது என பால்மா இறக்குமதியாளர்கள் சங்கத்தின் உறுப்பினர் லக்ஷ்மன் வீரசூரிய தெரிவித்துள்ளார்.

இந்த நிலையில் இவ் விலை அதிகரிப்பு தொடர்பான இறுதித் தீர்மானம் எதிர்வரும் செவ்வாய்க்கிழமை அமைச்சரவைக் கூட்டத்தில் பெற்றுக்கொள்ளப்படும் எனவும் லக்ஷ்மன் வீரசூரிய தெரிவித்துள்ளார்.

நாட்டில் டொலர் பற்றாக்குறை நிலவி வரும் காரணத்தால் பால்மா இறக்குமதியாளர்கள் பல்வேறுபட்ட இன்னல்களை எதிர்கொண்டு வருகின்றனர்.

இந்த நிலையில் ஒரு கிலோ பால்மாவின் விலையை 350 ரூபாவால் அதிகரிக்குமாறு அரசாங்கத்திற்கு முன்மொழியப்பட்டது.

இந்த கோரிக்கைக்கு இணங்க ஒரு கிலோ பால்மாவின் விலையை 200 ரூபாவால் அதிகரிப்பதற்கு அனுமதி கிடைத்துள்ளது.

நாட்டின் நெருக்கடி நிலையையை அடிப்படையாகக் கொண்டு எதிர்வரும் ஆறு மாதங்களுக்குள் பால்மாவின் விலை மீண்டும் அதிகரிக்க சாத்தியம் உண்டு – என லக்ஷ்மன் வீரசூரிய மேலும் தெரிவித்துள்ளார்.