தமிழ் சினிமாவில் வாரிசு நடிகர்களின் வருகை அதிகரித்துள்ள நிலையில், சூப்பர்ஸ்டார் ரஜினிகாந்தின் பேரனும், முன்னணி நடிகர் தனுஷின் மூத்த மகனுமான யாத்ரா (Yatra) விரைவில் கதாநாயகனாகத் திரையுலகில் தடம் பதிக்கவுள்ளார்.
ஏற்கனவே விஜய், விக்ரம், ஷங்கர் உள்ளிட்ட பல நட்சத்திரங்களின் வாரிசுகள் திரையுலகில் அறிமுகமாகிவிட்ட நிலையில், யாத்ராவின் அறிமுகம் பெரும் எதிர்பார்ப்பை ஏற்படுத்தியுள்ளது. தனது மகனை அறிமுகப்படுத்தும் மிக முக்கியமான பொறுப்பை தனுஷ் தானே ஏற்றுள்ளார். இப்படத்தைத் தனுஷ் இயக்கித் தயாரிக்கவுள்ளார்.
தனுஷின் சொந்த நிறுவனமான வுண்டர்பார் பிலிம்ஸ் (Wunderbar Films) இப்படத்தைப் பிரம்மாண்டமாகத் தயாரிக்கிறது. சமீபத்தில் தயாரிப்பாளர் லலித்தின் மகன் அக்ஷய் குமார் ‘சிறை’ படத்தின் மூலம் அறிமுகமாகி வரவேற்பைப் பெற்றதைத் தொடர்ந்து, யாத்ராவின் வருகையும் தமிழ் சினிமாவில் தற்போதைய ஹாட் டாப்பிக் ஆக மாறியுள்ளது.
யாத்ரா ஹீரோவாக அறிமுகமாகும் இந்தப் படம் குறித்த உத்தியோகபூர்வ அறிவிப்பு மற்றும் தலைப்பு விரைவில் வெளியாகும் என எதிர்பார்க்கப்படுகிறது. தாத்தா ரஜினிகாந்த் மற்றும் தந்தை தனுஷ் என இரு பெரும் ஆளுமைகளின் நிழலில் இருந்து யாத்ரா தனது திரையுலகப் பயணத்தை எப்படித் தொடங்கப்போகிறார் என்பதைப் பார்க்க ரசிகர்கள் ஆவலாக உள்ளனர்.
