இந்த வாரம் OTT-ல் வெளிவரும் தமிழ் திரைப்படங்கள் மற்றும் வெப் தொடர் .. லிஸ்ட் இதோ

இந்த வாரம் OTT-ல் வெளிவரும் தமிழ் திரைப்படங்கள் மற்றும் வெப் தொடர் .. லிஸ்ட் இதோ

திரையரங்கில் ரசிகர்களால் எப்படி ஒரு திரைப்படம் கொண்டாடப்படுகிறதோ, அதே போல் அப்படத்தை OTT-ல் கொண்டாடவும் குறிப்பிட்டு ரசிகர்கள் கூட்டம் காத்திருக்கிறது.

இந்த நிலையில், இந்த வாரம் OTT-ல் வெளிவரவுள்ள தரமான தமிழ் திரைப்படங்கள் மற்றும் வெப் தொடர் குறித்து கீழே காணலாம்.

கார்த்தியின் அட்டகாசமான நடிப்பில் வெளியான திரைப்படம் மெய்யழகன். பிரேம் குமார் இயக்கத்தில் வெளியான இந்த படத்தில் ரவிந்த் சாமி, ஸ்ரீதிவ்யா, ராஜ்கிரண் என முன்னணி நட்சத்திரங்கள் இணைந்து நடித்துள்ளனர். இப்படம் வரும் அக்டோபர் 25-ந் தேதி நெட்பிளிக்ஸ் ஓடிடி தளத்தில் வெளியாக உள்ளது.

தமிழ் சினிமாவில் தற்போது நடிப்பு, இசை, படங்களை இயக்குவது என பல துறைகளில் கலக்கி கொண்டிருக்கும் ஹிப்ஹாப் ஆதி நடித்தும், இயக்கியும் வெளிவந்த திரைப்படம் கடைசி உலகப் போர்.

இப்படம் வருகிற அக்டோபர் 25-ந் தேதி அமேசான் பிரைம் ஓடிடி தளத்தில் வெளிவர உள்ளது.

சீனு ராமசாமி இயக்கத்தில் கடந்த செப்டம்பர் 20 வெளிவந்த படம் கோழிப்பண்ணை செல்லதுரை. யோகிபாபு, பிரிகிடா, ஏகன் ஆகியோர் முக்கிய கதாபாத்திரத்தில் நடித்து வெளிவந்த இந்த படம் அக்டோபர் 24 அமேசான் பிரைம் ஓடிடி தளத்தில் வெளியாகிறது.

நடிகை சாய் தன்ஷிகா, சந்தோஷ் பிரதாப், தேவதர்ஷினி, பொன்வண்ணன் ஆகியோர் முக்கிய கதாபாத்திரத்தில் நடித்து வெளிவந்த வெப் தொடர் ஐந்தாம் வேதம். இந்த தொடர் அக்டோபர் 25-ம் தேதி ஜீ5 ஓடிடி தளத்தில் வெளியாக உள்ளது.