விடாமுயற்சி படத்தில் அஜித் கேரக்டர் குறித்து சுரேஷ் சந்திரா சொன்ன தகவல்.. எதிர்ப்பார்ப்பில் ரசிகர்கள்

விடாமுயற்சி படத்தில் அஜித் கேரக்டர் குறித்து சுரேஷ் சந்திரா சொன்ன தகவல்.. எதிர்ப்பார்ப்பில் ரசிகர்கள்

துணிவு படத்தை முடித்த கையோடு நடிகர் அஜித் கமிட்டான படம் விடாமுயற்சி.

இந்த படத்தை தடையறத் தாக்க, மீகாமன், தடம், கலகத் தலைவன் உள்ளிட்ட படங்களை இயக்கிய மகிழ்திருமேனி இயக்குகிறார், அனிருத் இசையமைக்கிறார். லைகா நிறுவனம் தயாரிக்க படத்தின் படப்பிடிப்புகள் அனைத்தும் அஜர்பைஜானில் நடந்து வருகிறது.

படத்தில் அர்ஜுன், த்ரிஷா, ரெஜினா, சந்தீப் கிஷன் உள்ளிட்டோர் நடித்து வருகின்றனர். தமிழ், மலையாளம், தெலுங்கு, கன்னடம் ஆகிய மொழிகளில் படம் வெளியாகிறது.

விடாமுயற்சி படத்தின் இறுதிக்கட்ட படப்பிடிப்பு அஜர்பைஜானில் தான் நடந்து வருகிறது. இதன் ஸ்டண்ட் காட்சிகள் எப்படி உருவாகிறது என்ற வீடியோவும் வெளியாக ரசிகர்கள் படத்தை காண படு உற்சாகமாக உள்ளனர்.

இந்த நிலையில் விடாமுயற்சி படத்தின் ஃபஸ்ட் லுக்கை படக்குழுவினர் வெளியிட்டுள்ளனர். அதில் அஜித், த்ரிஷா இடம்பெறும் கூலான புகைப்படம் இடம்பெற்றது.

தற்போது அஜித்தின் மேனேஜர் சுரேஷ் சந்திரா ஒரு பேட்டியில், விடாமுயற்சி படத்தில் அஜித் சார் இரண்டு லுக்கில் வருகிறார், பிளாஷ்பேக் காட்சிகளுக்காக அவர் தலைமுடியை கருப்பு நிறமாக மாற்றியுள்ளார்.