இவங்களுக்கு ஓட்டு போடுங்க.. ரஜினியின் வேட்டையன் பட இயக்குனர் TJ ஞானவேல் அதிரடி பதிவு

இவங்களுக்கு ஓட்டு போடுங்க.. ரஜினியின் வேட்டையன் பட இயக்குனர் TJ ஞானவேல் அதிரடி பதிவு

ரஜினி தற்போது நடித்து வரும் வேட்டையன் படத்தினை இயக்கி வருபவர் இயக்குனர் TJ ஞானவேல். இந்த படத்தின் ஷூட்டிங் விறுவிறுப்பாக நடந்து வருகிறது.

இந்நிலையில் வரும் தேர்தலில் யாருக்கு வாக்களிக்க வேண்டும் என இயக்குனர் ஞானவேல் வெளிப்படையாக ஒரு பதிவை போட்டிருக்கிறார்.

வாக்குரிமை என்பது என் உரிமைகளைக் காத்து, உணர்வுகளைப் புரிந்து ஆட்சி செய்கிற ஆட்சியாளர்களைத் தேர்ந்தெடுக்கும் சமூகக் கடமை.

வருங்கால தலைமுறையினருக்கு வெறுப்பு நிலவாத, சக இந்தியர்களின் தனித்துவதையே மதிக்கிற பாதுகாப்பான சூழலை அமைத்து தருவது நமது தார்மீக கடமை.

இந்தியா கூட்டணி கட்சிகளை வாக்குறுதிகள் சமூக நல்லிணக்கத்தையும், சமூக நீதியையும் காப்பாற்றும் என்கிற நம்பிக்கை அளிக்கின்றன.

மாநில உரிமை, மொழி உரிமை, கருத்து உரிமை, கல்வி உரிமை போன்ற அடிப்படை உரிமைகளை மீட்டெடுப்பதும், காத்துக் கொள்வதும் அவசியம்.

அதன் அடிப்படையில் தி.மு.க, காங்கிரஸ், இடதுசாரிகள், விடுதலை சிறுத்தைகள் உள்ளடக்கிய இந்தியா கூட்டணி கட்சிகளின் வேட்பாளர்களுக்கு வாக்களிக்கும்படி நானறிந்த, என்னை அறிந்த அனைவரிடமும் கேட்டுக்கொள்கிறேன்.

இவ்வாறு ஞானவேல் பதிவிட்டு இருக்கிறார்.