சினிமாவை விட்டு விலகும் பிரபல இயக்குனர்

சினிமாவை விட்டு விலகும் பிரபல இயக்குனர்

திரையுலகில் முன்னணி இயக்குனராக வலம் வருபவர் லோகேஷ் கனகராஜ். இவர் விஜய்யை வைத்து லியோ திரைப்படத்தை இயக்கி வருகிறார். இந்த ஆண்டின் பெரிதும் எதிர்பார்ப்பில் இருக்கும் திரைப்படங்களில் இதுவும் ஒன்றாகும். சமீபத்தில் லோகேஷ் அளித்த பேட்டி ஒன்றில் தான் 10 படம் தான் இயக்குவேன் என்றும், அதன்பின் சினிமாவில் இருந்து விலகி விடுவேன் என்றும் கூறியிருந்தார்.

இதனால் ரசிகர்கள் சற்று அதிர்ச்சியடைந்தனர். இந்நிலையில் லோகேஷை போலவே பிரபல முன்னணி இயக்குனர் ஒருவரும் இதே முடிவில் தான் இருக்கிறாராம். அவர் வேறு யாருமில்லை பிரபல இயக்குனர் ஹெச். வினோத் தான். ஆம், கடைசியாக துணிவு எனும் மாபெரும் வெற்றியை கொடுத்த ஹெச். வினோத் அடுத்ததாக கமலை வைத்து படம் இயக்கவுள்ளார்.

இவரும் மொத்தமாக 10 படங்கள் மட்டுமே இயக்கிவிட்டு சினிமாவில் இருந்து விலக முடிவு செய்துள்ளதாக தகவல் வெளியாகியுள்ளது. இந்த தகவலை பிரபல பத்திரிகையாளர் கூறியுள்ளார் என்பது குறிப்பிடத்தக்கது.