சுவையான ரோட்டு கடை கொத்து பரோட்டா! எப்படி செய்யலாம்?

ரோட்டு கடையில் செய்யும் கொத்து பரோட்டாவை எப்படி வீட்டில் எளியமுறையில் செய்யலாம் என்பதை பற்றி இங்கே பார்க்கலாம்.

தேவையான பொருள்கள்:

• பரோட்டா – 2
• முட்டை – 1
• வெங்காயம் – 2
• எண்ணெய் – 4 ஸ்பூன்
• தக்காளி – 1
• பச்சை மிளகாய் – 2
• உப்பு – தேவையான அளவு
• பூண்டு – 8 பல்
• கறிவேப்பிலை – ஒரு கொத்து
• கொத்தமல்லி – தேவையான அளவு
• இஞ்சி பூண்டு விழுது – 2 ஸ்பூன்
• கரம் மசாலா தூள் – 1 ஸ்பூன்
• தனி மிளகாய் தூள் – 1 ஸ்பூன்.

செய்முறை:

• தக்காளி, வெங்காயம், கொத்தமல்லி, ப.மிளகாயை பொடியாக நறுக்கி பரோட்டாவை சிறிது துண்டுகளாக பிரித்து தனியாக வைக்கவும்.
•  கடாயில் எண்ணெய் ஊற்றி சூடானதும் ப.மிளகாய், வெங்காயத்தை போட்டு வதக்கி நன்றாக வதங்கியதும் இஞ்சி பூண்டு விழுது சேர்த்து பச்சை வாசனை போகும் வரை வதக்கி அதில் தக்காளியை சேர்த்து சேர்த்து கொள்ளவும்.
•  தக்காளி குழைய வதங்கியதும் முட்டையை உடைத்து ஊற்றி கிளறி  அதில் தேவையான அளவு உப்பு, கரம் மசாலா, தனி மிளகாய் தூள் சேர்ந்து நன்றாக பச்சை வாடை போகும் வரை கிளறி விடவும்.
• அடுத்து துண்டுகளாக நறுக்கிய பரோட்டாவை சேர்த்து மிதமான தீயில் மசாலாவுடன் சேர்த்து கலக்கி 10 நிமிடம் கழித்து கொத்தமல்லி சிறிது சேர்த்து அடுப்பை அணைத்து விடவும்.
• சுட சுட சுவையான ரோட்டு கடை கொத்து பரோட்டா தயார்.