பொழுதுபோக்கு
தனுஸ்-செல்வராகவனின் புதிய படத்தின் புதிய அப்டேட்!
நீண்ட இடைவெளிக்குப் பின்னர் செல்வராகவன், தனுஷ் கூட்டணி புதியதொரு திரைப்படத்தில் இணையவுள்ளது.
காதல் கொண்டேன், புதுப்பேட்டை, ஆயிரத்தில் ஒருவன், மயக்கம் என்ன, இரண்டாம் உலகம் என வித்தியாசமான கதையம்சம் கொண்ட படங்களை இயக்கி பிரபலமானவர் இயக்குநர் செல்வராகவன்.
‘நானே வருவேன்’ என்ற புதிய திரைப்படத்தை செல்வராகவன் இயக்கவுள்ளார்.
தனுஷ் ஹீரோவாக நடிக்கவுள்ள இந்தப்படத்திற்கு யுவன் சங்கர் ராஜா இசையமைக்கவுள்ளார்.
படத்தின் படப்பிடிப்பு ஓகஸ்ட் 17ஆம் திகதி ஆரம்பிக்கப்படும் என படக்குழு முன்னர் அறிவித்திருந்த போதும், எதிர்பாராத நிலைமையால் படத்தின்
ஆரம்பம் தடைப்பட்டுப்போனது.
பீஸ்ட் படத்தில் செல்வராகவன் நடித்து வந்தமையே படத்தின் ஆரம்பம் தடைப்பட்டுப் போக காரணம் என கூறப்பட்டது.
இந்த நிலையில், தனுஸ்-செல்வராகவன் கூட்டு இணையும் படத்தின் படப்பிடிப்பு எதிர்வரும் 16ஆம் திகதி ஆரம்பமாகவுள்ளது. படத்தை கலைப்புலி தாணு தயாரிக்கவுள்ளார்.
You must be logged in to post a comment Login