இலங்கையில் நாளாந்தம் மாறுபடும் முட்டை விலையால் அதனை வாங்கி சாப்பிடும் மக்களின் வீதம் குறைவடைந்து செல்கின்றது என்றுதான் சொல்லவேண்டும்.

நாட்டில் அதிகரித்துச் செல்லும் விலைவாசிக்கு மத்தியில் முட்டையின் விலையும் அதிகரித்தவண்ணமே உள்ளது.

இந்த நிலையில் தினமும் ஒரு முட்டை சாப்பிடுவதால் பல்வேறு ஊட்டச்சத்துக்கள் கிடைப்பதாக தெரிவிக்கப்படுகிறது. அவ்வாறு என்னென்ன ஊட்டச்சத்துகள் கிடைக்கும் என்பதை பார்க்கலாம்

முட்டை வெள்ளைக் கருவில் அதிக அளவு புரதம் உள்ளது. இது தசைகளின் வளர்ச்சிக்கும், பழுதுபார்ப்பதற்கும் அவசியமானது. முட்டையில் A, D, E, B1, B2, B5, B6, B12, B9 போன்ற பல வைட்டமின்கள் உள்ளன. இவை நோய் எதிர்ப்பு சக்தியை அதிகரிக்கும், கண் பார்வை, நரம்பு மண்டலம், இரத்த ஓட்டம் போன்றவற்றை மேம்படுத்தும்.

கல்சியம், இரும்பு, மக்னீசியம், பொஸ்பரஸ், பொட்டாசியம், துத்தநாகம் போன்ற தாதுக்கள் உள்ளன. இவை எலும்புகள், பற்கள், இரத்தம் போன்றவற்றின் ஆரோக்கியத்திற்கு அவசியமானவை.

முட்டையில் உள்ள கொழுப்பு ஆரோக்கியமான கொழுப்பு. இது இதய ஆரோக்கியத்திற்கு நல்லது. முட்டையில் கொலஸ்ட்ரோல் உள்ளது என்பது உண்மைதான். ஆனால், கொலஸ்ட்ரோல் அளவு அதிகமாக இருப்பவர்கள் மட்டும் முட்டையை தவிர்க்க வேண்டும். மற்றவர்கள் தினமும் ஒரு முட்டை சாப்பிடுவதால் எந்த பிரச்சனையும் இல்லை.

முட்டை சாப்பிடுவதால் நோய் எதிர்ப்பு சக்தியை அதிகரிக்கும், தசைகளின் வளர்ச்சிக்கு உதவும், இதய ஆரோக்கியத்தை மேம்படுத்தும், மூளை செயல்பாட்டை மேம்படுத்தும், கண் பார்வைக்கு நல்லது, எலும்புகள் மற்றும் பற்களை வலுப்படுத்தும்.

ஐஸ்கிரீம் செய்ய பால் – 1 கப்

ஓரம் நீக்கப்பட்ட பிரெட் – 3

சர்க்கரை – 1/2 கப்

எசன்ஸ் -1 தேக்கரண்டி

பலூடா செய்வதற்கு

வேகவைத்த சேமியா- 1 கப்

ஜெல்லி – 1 கப்

நறுக்கிய பழங்கள் (ஆப்பிள், திராட்சை, பப்பாளி, வாழைப்பழம்) செர்ரி பழம் – 3

முந்திரி, காய்ந்த திராட்சை – சிறிதளவு

செய்முறை:

முதலில் பாலை நன்கு சுண்ட காய்த்து கொள்ள வேண்டும்.

காய்ச்சிய பாலில் அதில் பிரெட் துண்டுகளை போட்டு சிறிது நேரம் அப்படியே வைத்து விட வேண்டாம். பால் ஆறியதும் அதில் சிறிது சர்க்கரை சேர்த்து மிக்ஸியில் போட்டு நன்கு அரைத்து அந்த கலவையை ஒரு 4 மணி நேரம் ஃபிரீஸரில் வைத்து விட வேண்டும்.

பிறகு அந்த ஐஸ்கிரீம் கலவையில் எசன்ஸ் ஊற்றி மிக்ஸியில் போட்டு அடித்து விட வேண்டும்.

பின்பு ஒரு பாத்திரத்தில் மாற்றி 5 மணி நேரம் ஃபிரீஸரில் வைத்து விட வேண்டும்.

ஒரு நீளமான கண்ணாடி டம்பளரில் முதலில் சேமியா போடவும்.

பின்பு மேல் குறிப்பிட்ட அனைத்து பழங்களும் ஒன்றன் பின் ஒன்றாக போடவும்.

அதன் மேல் முந்திரி, காய்ந்த திராட்சை போடவும். கடைசியாக அதில் மேல் ஐஸ்கிரீம், செர்ரிபழம், ஜெல்லி வைத்து ருசி பார்க்கவும்.

#cooking

இதன் வாசனையே பசியை வரவழைத்து நம்மை சாப்பிட தூண்டும். இதை வீட்டிலேயும் செய்யலாம். செய்முறையை இந்த பதிவில் பகிர்கிறோம்.

தேவையான பொருட்கள்

வெஜிடபிள் சால்னா – 2 கப்

பரோட்டா – 2

வாழை இலை – 1

நறுக்கிய வெங்காயம் – 1

கொத்தமல்லி – சிறிதளவு

எண்ணெய் – 1 டீஸ்பூன்

செய்முறை

வாழை இலையை அடுப்பில் காட்டி இரு பக்கமும் லேசாக சூடுப்படுத்தி எடுத்து கொள்ளவும்.

பின்பு இலையை பிரித்து வைத்து அதன் மேல் 1 பரோட்டாவை வைத்து 1 கப் சால்னா ஊற்றவும்.

இப்போது அதில் நறுக்கிய வெங்காயத்தை தூவவும். பின்பு அதன் மேல் மீண்டும் 1 பரோட்டாவை வைத்து 1 கப் சால்னாவை ஊற்றவும்.

இறுதியாக அதன் மேல் சிறிதளவு கொத்தமல்லி, வெங்காயம் ஆகியவற்றை தூவி வாழை இலையை பக்குவமாய் மடித்து நூல் அல்லது வாழை நாரை வைத்து வாழை இலையை கட்டி எடுத்து கொள்ளவும்.

அடுப்பில் கடாயை வைத்து சிறிதளவு எண்ணெய் தடவி அதன் மேல் கட்டி வைத்துள்ள வாழை இலை பரோட்டாவை வைக்கவும்.

இப்போது கடாயில் சிறிதளவு தண்ணீர் தெளித்து கடாயை மூடி 5 நிமிடம் மிதமான தீயில் வேக விடவும்.

இப்போது வாழை இலையை திருப்பி போட்டு மீண்டும் சிறிதளவு தண்ணீர் தெளித்து 5 நிமிடம் மிதமான தீயில் வேக விட்டு அடுப்பை அணைக்கவும். சூப்பரான வாழை இலை கிளி பரோட்டா தயார்.

#LifeStyle

அரிசி – ஒரு கப்
பெரிய வெங்காயம் – 2
தக்காளி – 4
பூண்டு – 4 பல்
பச்சைமிளகாய் – 4
பட்டை – 2 துண்டு
கிராம்பு – 2
முந்திரி – 20
சீரகம் – அரை டீஸ்பூன்
ஏலக்காய் – 2
மஞ்சள்தூள் – அரை டீஸ்பூன்
எண்ணெய் – 4 டேபிள்ஸ்பூன்
உப்பு – தேவையான அளவு
கறிவேப்பிலை, மல்லித்தழை – சிறிது

செய்முறை

வெங்காயம், கொத்தமல்லியை பொடியாக நறுக்கி கொள்ளவும்.

அரிசியை உதிரியாக வடித்துக் கொள்ளவும்.

தக்காளியைத் தனியாகவும், பூண்டு – பச்சைமிளகாயைத் தனியாகவும் அரைத்துக் கொள்ளவும்.

கடாயில் எண்ணெய் விட்டு சூடானதும் சீரகம், ஏலக்காய், கிராம்பு, பட்டை, முந்திரி போட்டு தாளித்த பின்னர் பூண்டு – பச்சை மிளகாய் விழுதை சேர்த்து வதக்கவும்.

அடுத்து பொடியாக நறுக்கிய வெங்காயத்தை சேர்த்து பொன்னிறமாக வதக்கிய பின்னர், தக்காளி சாறை ஊற்றி உப்பு, மஞ்சள்தூள், கறிவேப்பிலை சேர்த்து, எண்ணெய் பிரியும்வரை கொதிக்க விடவும்.

எண்ணெய் பிரிந்து வந்ததும் வடித்த சாதத்தைப் போட்டுக் கிளறி கொத்தமல்லித்தழை தூவி பரிமாறவும்.

இப்போது சூப்பரான தக்காளி பிரியாணி ரெடி.

#lifestyle

பிரெட் – 5 துண்டு
பெரிய வெங்காயம் – 2
பச்சை மிளகாய் – 4
உப்பு – தேவையான அளவு
மஞ்சள் தூள் – கால் டீஸ்பூன்
சீரகம் – அரை டீஸ்பூன்
கடலை மாவு – 4 டேபிள் ஸ்பூன்
பெருங்காயத்தூள் – 2 சிட்டிகை
காய்கறி – கால் கப்

செய்முறை

ஒரு வெங்காயத்தை நீளவாக்கில் நறுக்கி கொள்ளவும். சீரகத்தை கொரகொரப்பாக பொடித்துகொள்ளவும். காய்கறிகளை பொடியாக நறுக்கி கொள்ளவும்.

மிக்ஸியில் பிரெட் துண்டுகளை பிய்த்து பிய்த்து போட்டு அதனுடன் பெரிய வெங்காயம், 4 பச்சை மிளகாயை நறுக்கி சேர்த்து கொரகொரவென்று அரைத்து எடுத்துக் கொள்ளுங்கள்.

அரைத்த விழுதை ஒரு பாத்திரத்தில் போட்டு அதனுடன் நீளவாக்கில் நறுக்கிய வெங்காயம், உப்பு, மஞ்சள் தூள், சீரகம், கடலை மாவு, பெருங்காயத் தூள் சேர்த்து நன்கு கலந்து கொள்ள வேண்டும்.

அடுத்து அதில் பொடியாக நறுக்கிய காய்கறிகளை சேர்த்து கொஞ்சம் கொஞ்சமாக தண்ணீர் தெளித்து நன்கு கெட்டியாக உருண்டை பிடிக்கும் அளவிற்கு பிசைந்து கொள்ள வேண்டும்.

பக்கோடா மாவு பதம் வந்த பிறகு சிறு சிறு உருண்டைகளாக உருட்டி வைத்துக் கொள்ளுங்கள். கடாயை அடுப்பில் வைத்து எண்ணெய் ஊற்றி சூடானதும் அடுப்பை மீடியம் பிளேமில் வைத்து கொஞ்சம் கொஞ்சமாக பக்கோடா மாவை எடுத்து போட்டு எல்லா பக்கமும் பொன்னிறமாக சிவக்க வறுத்து எடுக்க வேண்டும்.

ரொம்ப ரொம்ப சுலபமாக செய்யக்கூடிய இந்த பிரெட் பக்கோடா எண்ணெய் குடிக்காது. சாதாரண வெங்காய பக்கோடாவை விட கூடுதல் சுவையுடன் நிச்சயம் இருக்கும்.

சட்டென ஐந்தே நிமிடத்தில் செய்யக்கூடிய இந்த பிரட் பக்கோடா டொமேட்டோ சாஸ் உடன் தொட்டு கொண்டால் அவ்வளவு அருமையாக இருக்கும். மாலையில் டீயுடன் சாப்பிடலாம் வயிறு நிறைவாக இருக்கும்.

#LifeStyle

சின்ன வெங்காயம் – 2 கிலோ
வெள்ளை முழு உளுந்து – 200 கிராம்
பெருங்காயப்பொடி – 1 தேக்கரண்டி
கடுகு – 1 மேசைக்கரண்டி
மஞ்சள் பொடி – 1 தேக்கரண்டி
வெந்தயப்பொடி – 2 தேக்கரண்டி
உப்பு – தேவையான அளவு
கொத்தமல்லித்தழை – 1 கட்டு
கறிவேப்பிலை – ஒரு சிறிய கப் அளவு

கரகரப்பாக அரைக்க

மிளகாய் வத்தல் – 10
சீரகம் – 2 மேசைக்கரண்டி
பூண்டு – 1 பெரியது

செய்முறை

2 கிலோ வெங்காயத்தை தோலுரித்து பொடிதாக நறுக்கி ஒரு பேப்பரில் பரப்பி நான்கு மணி நேரம் உலர விடவும்.

உளுந்தம் பருப்பை 2 மணி நேரம் ஊற வைக்கவும். கொத்தமல்லித்தழை, கறிவேப்பிலை இரண்டையும் பொடியாக நறுக்கி வைக்கவும்.

பூண்டை தோலுரித்து வைக்கவும். மிளகாய் வத்தல், சீரகம், பூண்டு மூன்றையும் மிக்ஸ்சியில் கரகரப்பாக அரைத்துக் கொள்ளவும்.

பருப்பை நன்றாக கழுவி தண்ணீரை வடித்து விட்டு அதனுடன் உப்பு சேர்த்து கிரைண்டரில் தண்ணீர் விடாமல் கெட்டியாக அரைத்து ஒரு வாயகன்ற பாத்திரத்தில் எடுத்து வைக்கவும்.

இட்லி பதத்திற்கு அரைக்க தேவை இல்லை. 10 நிமிடம் அரைத்தால் போதும். அரைத்த மாவுடன் நறுக்கிய வெங்காயம், கடுகு, பெருங்காயப்பொடி, மஞ்சள்பொடி, வெந்தயப்பொடி, கொத்தமல்லித்தழை, கறிவேப்பிலை எல்லாவற்றையும் சேர்த்து நன்கு பிசைந்து வைக்கவும்.

பிறகு கையை தண்ணீரில் நனைத்துக் கொண்டு வெங்காய கலவையை உருட்டாமல் சிறிது சிறிதாக எடுத்து தட்டுகளில் வைத்து வெயிலில் காய வைக்கவும்.

உருட்டி வைத்தால் வறுக்கும் போது சரியாக வேகாது. அடுத்த நாள் வடகம் தட்டோடு ஒட்டி இருக்கும். எனவே ஒரு சிறிய மேஜைக்கரண்டி கொண்டு எடுத்து ஒரு பேப்பரில் பரப்பி வெயிலில் காய வைக்கவும்.

இரண்டு நாட்களில் வடகம் நன்கு காய்ந்து விடும். பிறகு ஒரு காற்றுப்புகாத டப்பாவில் போட்டு மூடி வைக்கவும்.

தேவையான போது வறுத்து கொள்ளலாம்.

#LifeStyle

மேகி பாக்கெட் – 1

முட்டை – 2
கரட் துருவல் – 2 டீஸ்பூன்

குடைமிளகாய் – 1

தக்காளி – 1 (சிறியது)

ப.மிளகாய் – 3

வெங்காயம் – 1 (சிறியது)

உப்பு, எண்ணெய் – சிறிதளவு

மஞ்சள் – 1 சிட்டிகை

கொத்தமல்லி – சிறிதளவு

செய்முறை

வெங்காயம், ப.மிளகாய் , குடைமிளகாய், தக்காளி, கொத்தமல்லியை பொடியாக நறுக்கி கொள்ளவும் .

மேகியை கடாயில் போட்டு 1 கப் தண்ணீர் ஊற்றி வேக வைத்துக்கொள்ளுங்கள். அதில் இருக்கும் மசாலாவை மட்டும் போட்டு வேக வைத்தால் போதும். தண்ணீர் இறுகும்வரை வேக வேண்டும். தண்ணீர் அதிகமாகிவிட்டால் வடித்துக்கொள்ளுங்கள். மேகி குழையாமல் உதிரியாக இருக்க வேண்டும்.

ஒரு பாத்திரத்தில் முட்டையை உடைத்து ஊற்றி அதில் நறுக்கிய வெங்காயம், ப.மிளகாய், கேரட் துருவல், குடைமிளகாய், தக்காளி, கொத்தமல்லி, உப்பு சேர்த்து நன்றாக கலந்து கொள்ளவும்.

தோசை தவாவை அடுப்பில் வைத்து எண்ணெய் விட்டு சூடானதும் முட்டை கலவையை நன்கு பரப்பி ஊற்றுங்கள். தீ குறைத்து வைத்து அதன் மேலே வேக வைத்த மேகியை தூவினாற்போல் போடுங்கள். சிறு தீயிலேயே 2 நிமிடங்கள் அப்படியே விடுங்கள்.

பின் தோசையை மடிப்பது போல் ஒரு புறமாக மடித்துக்கொள்ளுங்கள். திருப்பிப் போடக்கூடாது. மடித்த வாக்கில் அப்படியே தட்டி எடுத்து வைத்து பரிமாறவும். அவ்வளவுதான் மேகி நூடுல்ஸ் ஆம்லெட் தயார்.

#LifeStyle

ஊற வைப்பதற்கு

பன்னீர் – 200 கிராம்
இஞ்சி பூண்டு விழுது – 1 டீஸ்பூன்

மிளகாய் தூள் – 1/2 டீஸ்பூன்

கரம் மசாலா – 1/2 டீஸ்பூன்

மிளகுத் தூள் – 1/4 டீஸ்பூன்

எலுமிச்சை சாறு – 1 டீஸ்பூன்

தயிர் – 1 டேபிள் ஸ்பூன்

உப்பு – சுவைக்கேற்ப

மாவிற்கு

மைதா – 3 டேபிள் ஸ்பூன்

சோள மாவு – 2 டேபிள் ஸ்பூன்

காஷ்மீரி மிளகாய் தூள் – 1 டீஸ்பூன்

சமையல் சோடா – 1 சிட்டிகை

உப்பு – சுவைக்கேற்ப

தண்ணீர் – தேவையான அளவு

செய்முறை

* ஒரு பௌலில் பன்னீர் துண்டுகளை எடுத்துக் கொண்டு, அத்துடன் ‘ஊற வைப்பதற்கு’ கொடுத்துள்ள பொருட்களை சேர்த்து நன்கு பிரட்டிக் கொள்ள வேண்டும்.

* மற்றொரு பௌலில் ‘மாவிற்கு’ கொடுத்துள்ள பொருட்களை எடுத்து நன்கு கலந்து, பின் சிறிது நீர் ஊற்றி ஓரளவு கெட்டியாக கலந்து கொள்ள வேண்டும். மாவானது மிகவும் நீராகவோ அல்லது கெட்டியாகவோ இருக்கக்கூடாது. இட்லி மாவு பதத்திற்கு இருக்க வேண்டும்.

* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* எண்ணெய் சூடானதும், ஊற வைத்துள்ள பன்னீர் துண்டுகளை தயாரித்து வைத்துள்ள மாவில் பிரட்டி, எண்ணெயில் போட்டு பொன்னிறமாக பொரித்து எடுக்க வேண்டும்.

* இதேப் போல் அனைத்து பன்னீர் துண்டுகளையும் பொரித்து எடுத்தால், மொறுமொறுப்பான பன்னீர் 65 தயார்.

குறிப்பு

* அனைத்து பன்னீர் துண்டுகளையும் ஒரே நேரத்தில் மாவில் போட்டு விட வேண்டாம். இல்லாவிட்டால், பன்னீர் எளிதில் உடைத்துவிடும்.

* உங்களுக்கு மைதா சேர்க்க பிடிக்காவிட்டால், அதற்கு பதிலாக சோள மாவு மற்றும் அரிசி மாவு பயன்படுத்திக் கொள்ளலாம்.

#LifeStyle

கோதுமை மாவு – 2 கப்
நெய் – ஒரு டேபிள்ஸ்பூன்
உப்பு – அரை டீஸ்பூன்
காய்கறிக்கலவை (பட்டாணி, பீன்ஸ், கேரட் போன்றவை) – ஒரு கப்
வேகவைத்து மசித்த உருளைக்கிழங்கு – அரை கப்
இஞ்சி, பச்சை மிளகாய், பூண்டு விழுது – 2 டீஸ்பூன்
புதினா, கொத்தமல்லித்தழை அரைத்தது – 2 டேபிள்ஸ்பூன்
எண்ணெய் – ஒரு டேபிள்ஸ்பூன்
உப்பு – தேவையான அளவு
எலுமிச்சம்பழச் சாறு – ஒரு டேபிள்ஸ்பூன்

செய்முறை

காய்கறிகளை அளவான தண்ணீரில் உப்பு சேர்த்து, வேகவைத்து மசித்துக்கொள்ளுங்கள்.

எண்ணெயைக் காயவைத்து, அரைத்த விழுதுகள் எல்லாவற்றையும் சேர்த்து பச்சை வாசனை போக வதக்குங்கள்.

அதனுடன், மசித்த உருளைக்கிழங்கு, மசித்த காய்கறி கலவை, எலுமிச்சம்பழச் சாறு, உப்பு சேர்த்து கிளறி இறக்குங்கள்.

கோதுமை மாவை நெய், உப்பு சேர்த்துப் பிசைந்து கொள்ளுங்கள். பிசைந்த மாவிலிருந்து, மெல்லிய சப்பாத்திகள் திரட்டி, இரு சப்பாத்திகளுக்கு நடுவே காய்கறி பூரணத்தை பரத்தி, ஓரங்களை ஒட்டி, தோசைக்கல்லில் போட்டு, எண்ணெய் இருபுறமும் வேக வைத்து எடுக்க வேண்டும்.

இப்போது சூப்பரான வெஜிடபிள் சப்பாத்தி ரெடி.

#LifeStyle

தோசை மா – 2 கப்
இஞ்சி – சிறிய துண்டு
பச்சை மிளகாய் – 2
வர மிளகாய் – 4
கரட் – 1
பீன்ஸ் – 10
கோஸ் – சிறிதளவு
ஸ்வீட் கார்ன் – ஒரு கைப்பிடி
பெரிய வெங்காயம் – 1
மிளகுத்தூள் – அரை டீஸ்பூன்
கறிவேப்பிலை, கொத்தமல்லி – அரை கப்
உப்பு, எண்ணெய் – தேவையான அளவு

செய்முறை

* கரட்டை துருவிக்கொள்ளவும்.

* வரமிளகாய கொரகொரப்பாக அரைத்து கொள்ளவும்.

* ஸ்வீட் கார்னை வேக வைத்து கொள்ளவும்.

* ப.மிளகாய், இஞ்சி, கோஸ், பீன்ஸ், கொத்தமல்லி, வெங்காயத்தை பொடியாக நறுக்கிகொள்ளவும்.

* மாவை ஒரு பாத்திரத்தில் ஊற்றி அதில் ப.மிளகாய், இஞ்சி, கோஸ், பீன்ஸ், கொத்தமல்லி, வெங்காயம், துருவிய கேரட், வேக வைத்த ஸ்வீட் கார்ன், கொத்தமல்லி, கறிவேப்பிலை சேர்த்து நன்றாக கலந்து கொள்ளவும்.

* பின்பு மிளகுத்தூள், கொரகொரப்பாக அரைத்த வரமிளகாய், தேவையான அளவு உப்பும் சேர்த்து நன்றாக கலந்துக் கொள்ளுங்கள்.

* தோசை கல்லை அடுப்பில் வைத்து சூடானதும் மாவை எடுத்து தோசையாக ஊற்றி சுற்றி எண்ணெய் விடவும். ஒரு புறம் வெந்ததும் மறுபுறம் திருப்பி போட்டு வேக வைத்து எடுக்கவும்.

* அவ்வளவுதான் இப்போது மொறுமொறுப்பான காய்கறி தோசை தயார்.

#LifeStyle