iPhone 15 மற்றும் Pro Series Heating issue பற்றி அப்பிள் தரப்பில் இருந்து வெளிவந்த அறிவிப்பு.
கடந்த மாதம் வெளிவந்த iPhone 15 மற்றும் Pro தொலைபேசிகளில் உலகம் முழுவதும் பரவலாக பேசப்பட்ட விடயம், பரவலாக பேசப்பட்ட விடயம் என்று சொல்வதை விட குறைபாடு/பிரச்சனை என்று கூட சொல்லலாம். ஆம் iPhone 15 மற்றும் Pro Series அதிகமாக சூடாகும். பலர் இதனை வெளிப்படையாகவே கூறியிருந்தார்கள். இன்னும் சிலர் வெப்பமாணியினை கொண்டு பரிசோதனை செய்தும் நிருபித்து இருந்தார்கள். ராக்கெட் செய்ய பயன்படும் Titanium எனும் உலோகத்தால் உருவாக்கப்பட்டதனால் ராக்கட் போன்று கைகளில் வைத்து இருக்க முடியாத அளவிற்கு சூடாவதாக சமூக வலைத்தளங்களில் கருத்துக்களை தெரிவித்து இருந்தார்கள்.
கடந்த சில வாரங்களாக உலகம் முழுவதும் இந்தப்பிரச்சனை பேசப்படுவதை அவதானித்த அப்பிள் நிறுவனம் பிரச்சனைகான தீர்வினை கூடிய சீக்கிரமே வழங்குவதாக வாக்குறுதியளித்து இருந்தார்கள். அந்தவகையில் iOS 17 இல் அதிகம் சூடாவதற்கு காரணமான Bug ஒன்றினை கண்டுபிடித்து அதனை சரிசெய்வதற்கான update 17.0.2 இனை வெளியிட்டு இருந்தார்கள். அதன் பின்னர் iPhone 15 மற்றும் Pro Series தொலைபேசிகள் அதிகம் சூடாவது தடுக்கப்பட்டது.
iPhone ராக்கட் செய்ய பயன்படும் உலோகத்தில் செய்யப்பட்டு இருந்தாலும் இலகுவாக வளைந்துவிடுவதாகவும், பின்பக்க கண்ணாடி இலகுவாக உடைத்துவிடுவதாகவும் பயனர்கள் முறைப்பாடுகளை தெரிவித்தவண்ணமுள்ளனர்.
நீங்கள் iPhone 15 மற்றும் Pro Series பயன்படுத்துபவராக இருத்தால் கட்டாயம் iOS 17.0.2 இற்கு update செய்துகொள்ளுங்கள்.
