நிறுத்தப்படுமா Messenger Lite ? Meta நிறுவனத்தின் புதிய அறிவிப்பு…!!!

நிறுத்தப்படுமா Messenger Lite ? Meta நிறுவனத்தின் புதிய அறிவிப்பு…!!!

பேஸ்புக் நிறுவனத்தின் தாய்நிறுவனமான மேட்டா நிறுவனம் இன்றைய தினம் அறிவிப்பு ஒன்றினை வெளியிட்டு இருக்கின்றார்கள். மேட்டா நிறுவனம் வட்சப், இன்ஸ்ராகிராம் போன்ற சமூக வலைத்தளங்களை நிர்வகித்து வருகின்றது. இன்றைய தினம் வெளியிட்ட அறிவிப்பில் அடுத்த மாதம் அளவில் Messenger lite செயலியினை நிறுத்தப்போவதாக அறிவித்து இருக்கின்றார்கள். வெறும் 25MB உடன் வெளிவந்த Messenger Lite சிறிய நினைவகத்தைக்கொண்ட அதாவது 8GB நினைவகத்தை கொண்ட தொலைபேசிகளின் நினைவகத்தை நிரப்பாமல் chats, calls என்பவற்றை பேஸ்புக் உடன் இணைந்து பயன்படுத்துவதற்கு உதவியாக இருந்தது.

Messenger Lite ஆனது 2016ம் ஆண்டு அறிமுகப்படுத்தப்பட்டதுடன் பயனர்கள் மத்தியில் வரவேற்பினை பெற்றுக்கொண்டது. அறிமுகப்படுத்திய ஒருவருட காலத்திற்குள் 50M Google Play store தரவிறக்கங்களை பெற்றுக்கொண்டது.

இன்றைய நாட்களில் தொலைபேசிகள் அதிக திறன் மற்றும் அதிக நினைவகத்தை கொண்டுள்ளதால் மட்டுப்படுத்திய அம்சங்களை கொண்ட Messenger Lite தேவையற்ற ஒன்றாக மாறிவருவதால் எதிர்வரும் September 18 திகதி சேவையினை முற்றாக நிறுத்தப்போவதாக அறிவித்து இருக்கின்றார்கள்.

மேட்டா நிறுவனமானது Messenger Lite சேவையினை நிறுத்துவதற்கு முன்னர் Messenger சேவைக்கு மாறுமாறு கேட்டுக்கொண்டுள்ளார்கள்.

Messenger Lite இன் சேவைகள் நிறுத்தப்பட்டாலும் சிறிய மற்றும் வேகமான பேஸ்புக் செயலியான Facebook Lite தொடர்ந்து சேவையில் இருக்கும் என்று அறிவித்து இருக்கின்றார்கள்.

Apple iOS இயங்குதளத்தில் 2020 ஆண்டு Messenger Lite சேவையினை நிறுத்தியமை குறிப்பிடத்தக்கது